陪月紅人被指控未洗材料煮隔夜餿飯　受害人現身說法：肚痾咗10日8日

知名陪月員2汪經營Facebook專頁「陪月辛酸。血。淚。屎」吸引不少粉絲，但近日網上瘋傳片段，指控她未清洗材料就煮給客人食用，甚至指她直接把隔夜餿飯加入生米煮成飯，受害人苦訴自己食用後「肚痾咗10日8日」。

受害人陳小姐於Facebook發佈多段有關2汪在她家中煮食時的片段，片段中分別顯示2汪未有清洗龍躉肉、排骨就直接醃製及烹煮，以及把食物的殘渣直接倒到鋅盤後未有清理。

陳小姐接受TOPick訪問時表示，自己3月小產後聘用2汪作為陪月，當時2汪的職責只為負責其普通日常膳食，而補身程序及湯水藥物另一名另外聘用的中醫負責。

陳小姐憶述，6月初她需進行小手術，術後需要長時間休養，醫生更強調她需「好小心飲食，唔可以肚痾，會對我好大影響」，她就接受2汪提議再聘請2汪為自己烹煮日常膳食，但期間2汪卻「放飛機」及遲到，甚至所煮的食物令她肚瀉多日，

大部份呀媽產後都會餵人奶同埋身體十分虛弱，呢個時候食物中毒係真係可以攞命架 ！

陳小姐表示令她肚瀉的食物當中，包括未熟透的魚肉豆腐及隔夜餿飯加入生米所煮成白飯，

因為食隔夜飯係無問題，佢個問題係啲飯喺30幾度天氣，室内焗咗一日一夜。

她更指出當她把飯倒進垃圾桶時，驚見「飯心已開始變色」。

所以陳小姐最終決定把2汪辭退，「叫佢唔需要再嚟」，

佢係有道歉，但零解釋，只係講Sorry，同埋不斷話自己好忙，佢有其他job同埋趕住出書，希望我理解。

其後陳小姐再翻查家中閉路電視記錄，才驚覺當中「咁多污糟邋遢野同恐怖片段」，並指自己及後聯絡2汪，對方已對指控全數承認。

而對於陳小姐現身指控，2汪就回應表示

所有都不作回應，陳小姐可以就呢件事情保留追究權利。

對於2汪今日較早前對事件回應，請閱「被數臭未洗材料亂煮食物致坐月媽媽血崩　陪月員2汪：所醃的肉事先已清洗」。